Тошкентда миллий гвардиячилар чўкаётган фуқарони қутқариб қолди

Тошкент шаҳрида Миллий гвардия ходимлари Анҳорда чўкаётган фуқарони қутқариб қолди.

Фото: ФВБ

Пойтахт ФВБ хабарига кўра, 17 июн куни Шайхонтоҳур тумани Анҳор Локомотив боғи ҳудудидан оқиб ўтувчи Анҳор каналида бир фуқаро чўкаётган бўлган.

Ушбу ҳудудда хизмат олиб бораётган Миллий гвардия ҳарбий хизматчилари — оддий аскар О.Йўлдошев ҳамда оддий аскар Б.Валиев томонидан кўрилган тезкор ҳаракатлар натижасида фуқаронинг ҳаёти сақлаб қолинди.

Ушбу ҳарбий хизматчиларнинг мазкур хизмати эътиборга олиниб, фавқулодда вазиятлар вазири номидан рағбатлантирилди.