Bahromjon A'loyev O‘zbekistonning Qatardagi elchisi bo‘ldi

Foto: Qatar TIV matbuot xizmati

O‘zbekiston Qatardagi favqulodda va muxtor elchisini tayinladi (qarorgohi Kuvaytda).

Qatar TIV matbuot xizmati ma'lumotlariga ko‘ra, O‘zbekistonning Qatardagi favqulodda va muxtor elchisi (qarorgohi Kuvaytda) Bahromjon A'loyev Qatar davlat tashqi ishlar vaziri Sulton bin Saad al-Murayxiga ishonch yorliqlari nusxalarini topshirgan.

Qatar davlat tashqi ishlar vaziri elchiga muvaffaqiyatlar tiladi va Qatar ikki tomonlama munosabatlarni rivojlantirish tarafdori ekanini aytib o‘tdi.

Eslatib o‘tamiz, avvalroq Abdulaziz Komilov Doha shahrida Qatar bosh vaziri o‘rinbosari, tashqi ishlar vaziri shayx Muhammad Ben Abdel Rahman Ben Jasem Al Tani bilan uchrashgandi.

#elchi #Qatar #Bahromjon A’loyev