Баҳромжон Аълоев Ўзбекистоннинг Қатардаги элчиси бўлди

Фото: Қатар ТИВ матбуот хизмати

Ўзбекистон Қатардаги фавқулодда ва мухтор элчисини тайинлади (қароргоҳи Кувайтда).

Қатар ТИВ матбуот хизмати маълумотларига кўра, Ўзбекистоннинг Қатардаги фавқулодда ва мухтор элчиси (қароргоҳи Кувайтда) Баҳромжон Аълоев Қатар давлат ташқи ишлар вазири Султон бин Саад ал-Мурайхига ишонч ёрлиқлари нусхаларини топширган.

Қатар давлат ташқи ишлар вазири элчига муваффақиятлар тилади ва Қатар икки томонлама муносабатларни ривожлантириш тарафдори эканини айтиб ўтди.

Эслатиб ўтамиз, аввалроқ Абдулазиз Комилов Доҳа шаҳрида Қатар бош вазири ўринбосари, ташқи ишлар вазири шайх Муҳаммад Бен Абдел Раҳман Бен Жасем Ал Тани билан учрашганди.

#элчи #Қатар #Баҳромжон Аълоев