Microsoft korporatsiyasi Word, Excel va PowerPoint dizaynini yangilaydi

Microsoft korporatsiyasi Word, Excel, Outlook va PowerPoint'ning yangi versiyasi ishlab chiqilishi haqida e'lon qildi. Kompaniya saytida ma'lum qilinishicha,  yangilanishlar dasturlar dizayniga taalluqli bo‘ladi, shuningdek sun'iy intellektni qo‘llash orqali qidiruv tizimi yaxshilanadi. 

Xabarda aniqlik kiritilishicha, yangilanishlar kelasi bir necha oy ichida ishlab chiqiladi va ular "kuch-qudrat va oddiylik muvozanati asosidagi yangi ish madaniyati uchun" mo‘ljallangan. 

Yangilanish birinchi navbatda Word'ning Office.com uchun veb-versiyasida bo‘ladi, iyun oyi oxirida foydalanuvchilar Windows uchun yangi Word, Excel va PowerPoint yangi versiyasini ko‘rish imkoniga ega bo‘lishadi. Yana bir oydan keyin Windows uchun Outlook ham yangilanadi, avgustda Mac uchun yangi Outlook paydo bo‘ladi.