Qoʻshimcha funksionallar
-
Tungi ko‘rinish
«Idora, sinf va kutubxona, savdo do‘koni». Boysundagi g‘aroyib chinor tarixi
Surxondaryo viloyati Boysun tumani Sayrob qishlog‘idagi azamat chinorlar o‘z bag‘rida sinoatlarni yashirib kelgan. Shulardan birining g‘aroyib tarixi haqida Mahalla gazetasi qiziqarli ma'lumotlar e'lon qildi.
Tabiat yodgorligi sifatida davlat qaramog‘iga olingan chinorning yoshi, olimlarning fikricha, 950 yilga yaqin. Uning balandligi 26, diametri naq 21 metrni tashkil etadi. Tanasining balandligi bo‘yicha o‘lchami 9,7 metrga teng. Mehrobli eshikni eslatuvchi kovagining kattaligi esa naq 7 metrga teng.
Ana shu kovakda o‘tgan asr boshlari, ya'ni Oktabr to‘ntarishiga qadar eski maktab faoliyat yuritgan va ko‘plab sayrobliklarning savodxon bo‘lishiga «hissa» qo‘shgan.
1920 yildan boshlab ko‘hna chinor qishloq kengashi idorasi sifatida xizmat qila boshlagan. 1932 –1934 yillarda birinchi otliq askarlar polkining lager kutubxonasi sifatida kitoblarga boshpana bo‘lgan. 1936 yildan boshlab esa qishloq savdo do‘koni sifatida odamlarning hojatini chiqargan.
O‘zA xabariga ko‘ra, ushbu bahaybat daraxt kovagida bugungi kunda mo‘'jaz muzey tashkil etilgan.
Mavzuga oid

12:46 / 28.06.2025
Boysunda metan-zapravkada Nexia portlab ketdi. Qurbon bor

14:09 / 18.06.2025
Boysun o‘rmon hududida yirik yong‘in: 3 gektar maydondagi olov qariyb 14 soatda o‘chirildi

21:32 / 19.05.2025
Boysunning kelajagi nima bo‘ladi? FVV mas’uli izoh bera olmadi

17:37 / 13.05.2025