Qoʻshimcha funksionallar
-
Tungi ko‘rinish
2020 yilgi Kann kinofestivali bekor qilindi

Foto: EPA
Dunyoning eng nufuzli kinofestivallaridan biri bo‘lgan Kann kinofestivali koronavirus sababli joriy yilda o‘tkazilmaydigan bo‘ldi.
Bu haqda festival tashkiliy qo‘mitasiga tayanib Variety nashri xabar berdi.
Rejaga ko‘ra, festival 12-23 may kunlari o‘tkazilishi kerak edi. Biroq epidemiya sababli uni iyun oxiriga o‘tkazishga qaror qilingan va bu hali yakuniy qaror emasligi aytilgan. Fransiyada koronavirus epidemiyasi sababli kiritilgan favqulodda vaziyat rejimi kamida 10 iyulgacha uzaytirildi va shu sababli festivalni kuzda o‘tkazish ham qiyin bo‘lishi mumkin edi. Shu bilan birga, tashkilotchilar festivalni virtual tarzda o‘tkazishni istashmagan.
Ta'kidlanishicha, festival uchun tanlab olingan filmlar boshqa festivallarda, jumladan Venetsiyada namoyish qilinadi. Bu filmlar ro‘yxati iyun boshida e'lon qilinadi.
1946 yildan beri o‘tkazib kelinadigan festival bungacha 3 marta bekor qilingan: 1948 va 1950 yillarda mablag‘ yetmagani, 1968 yilda esa Fransiyani qamrab olgan ommaviy tartibsizliklar sababli bekor qilingan.
Mavzuga oid

17:18 / 05.07.2025
Buyuk Britaniyada koronavirusning yangi shtammi tarqaldi

17:25 / 01.07.2025
JSST Covid-19 qanday paydo bo‘lgani haqida yakdil xulosaga kelmadi

00:30 / 09.06.2025
Xitoyda global pandemiyaga olib kelishi mumkin bo‘lgan yangi koronavirus aniqlandi

11:25 / 30.05.2025