AQShdagilar Xitoydan antiqa jo‘natmalar olmoqda

Nyu-York shtatida yashovchilar ham mahalliy radiostansiyaga Xitoydan jo‘natilgan tibbiy niqoblar haqida xabar bergan.

Foto: Flickr / Demis Gallisto

Amerikadagi bir nechta shtatlar aholisiga Xitoydan nafaqat urug‘ solingan paketlar, balki boshqa jo‘natmalar ham kelmoqda, deb yozadi New York Post gazetasi.

Amerikaliklar quyoshdan himoya qiluvchi soxta Rayban ko‘zoynaklari, hushtaklar olmoqda.

O‘tgan oyda Kelli Litti ismli ayolga Xitoydan tibbiy niqoblar kelgan.

Nyu-York shtatida yashovchilar ham mahalliy radiostansiyaga Xitoydan jo‘natilgan tibbiy niqoblar haqida xabar bergan. Endikott qishlog‘ida yashovchi Doun Proktorga esa eski paypoq kelgan.

Avgust boshlarida AQSh, Portugaliya, Yangi Zelandiya va Buyuk Britaniyada yashovchi kishilar pochta orqali urug‘ solingan jo‘natmalar olgani xabar qilingandi. Jo‘natmalarda oq yoki qora rangdagi urug‘lar bo‘lib, jo‘natmalar ustiga Xitoy pochtasi stikeri yopishtirilgan.

Xitoy tomoni ushbu stikerlar qalbaki ekanligini bildirgan.

#AQSh #Xitoy #jo‘natma