Qoʻshimcha funksionallar
-
Tungi ko‘rinish
Lukashenko qo‘lida avtomat ko‘tarib yurganining sababini tushuntirdi
Belarus prezidenti Aleksandr Lukashenko namoyishlar vaqtida avtomat ko‘tarib yurganining sababini tushuntirdi. Lukashenkoning ta'kidlashicha, u shu yo‘l bilan mamlakatni tashqi xavflardan himoyalashga tayyorligini ko‘rsatmoqchi bo‘lgan.

Foto: NBC News
Belarus prezidentining ta'kidlashicha, u avtomat ko‘tarib yurgani aks etgan videoroliklar bilan hamyurtlariga o‘q uzishga tayyorligini aslo ko‘rsatmoqchi bo‘lmagan. Uning ta'kidlashicha, hozirda Belarus uchun tashqi xavf har qachongidan dolzarb sanaladi.
“Bu [Belarus uchun tashqi xavf] normal holatmi? Siz meni ko‘chalarda avtomat bilan yugurib yurganim va go‘yoki o‘z xalqimga o‘q uzmoqchi bo‘lganim uchun tanqid qilmoqdasiz. Bilib qo‘ying, men xalqimga o‘q uzish u yoqda tursin, hattoki chorak asr ichida biror marta unga qo‘limni bigiz qilmaganman”, deb aytgan Lukashenko.
Uning aytishicha, tashqi xavflar ortida mamlakatdagi siyosiy vaziyatni hisobga olib, harbiylarning muayyan zaxirasini ushlab turishga majbur bo‘lmoqda.
O‘tgan hafta Belarus ommaviy axborot vositalari Lukashenko noroziliklar vaqtida 15 yoshli o‘g‘li Nikolay hamrohligida harbiy kiyimda, Kalashnikov avtomati bilan qurollangan holda Minskdagi Mustaqillik saroyiga vertolyotda uchib kelganining bir nechta videosini tarqatgan. Ta'kidlash joiz, Lukashenkoning qo‘lidagi avtomat o‘qlanmagan bo‘lgan, chunki unda o‘qdon bo‘lmagan.
Shundan keyin muxolifat huquq-tartibot idoralaridan Lukashenkoning balog‘atga yetmagan o‘g‘liga qurol berilishiga munosabat bildirishni talab qilgan.
Mavzuga oid

07:37 / 03.07.2025
Lukashenko yil oxirigacha «Oreshnik» Belarusda joylashtirilishini ma’lum qildi

18:47 / 02.07.2025
Lukashenko 16 kishini, jumladan, «ekstremistik» jinoyatlarda ayblanganlarni afv etdi.

18:13 / 21.06.2025
Trampning maxsus vakili Kellog Minskda Lukashenko bilan uchrashdi

20:28 / 07.05.2025