Qoʻshimcha funksionallar
-
Tungi ko‘rinish
Saudiya Arabistonida Pfizer vaksinasini qo‘llashga ruxsat berildi
Foto: Global Look Press
Saudiya Arabistonining oziq-ovqat mahsulotlari va dori vositalari sifati bo‘yicha sanitar nazorat boshqarmasi Pfizer va BioNTech kompaniyalarining koronavirusga qarshi vaksinasining ro‘yxatga olinishi va qo‘llanishini ma'qulladi.
Boshqarma bu qarorga kelishdan avval vaksinaning sinovlari natijalari bo‘yicha 24 noyabrda taqdim etilgan ma'lumotlarni o‘rganib chiqqan. Shuningdek, boshqarma turli ekspertlar va kompaniyalar vakillari bilan maslahatlashgan.
“Masalaning barcha texnik va ilmiy jihatlari muhokamasidan keyin vaksinani ro‘yxatga olish va qo‘llashga ruxsat berishga qaror qilindi”, deyilgan xabarda.
Ta'kidlanishicha, vaksinaning podshohlikka yetkazilishi va u bilan emlash boshlanishi muddatlari keyinroq e'lon qilinadi.
Shu bilan birga, Saudiya Arabistoni hukumati vaksinaning xavfsiz ekaniga to‘liq ishonch hosil qilish uchun mamlakatga yetkaziluvchi vaksinaning har bir partiyasidan namunalarni tekshirishni rejalashtirmoqda.
Koronavirus
Mavzuga oid
13:47 / 20.07.2025
Saudiyada 20 yil komada yotgan shahzoda vafot etdi
20:51 / 19.07.2025
Saudiya Arabistoni xorijliklarga ko‘chmas mulk sotib olish shartlarini yengillashtiradi
15:19 / 15.07.2025
Saudiya Arabistoni 170 km uzunlikdagi osmono‘par shahar loyihasini qayta ko‘rib chiqmoqda
08:34 / 04.07.2025