Andijonda 1 kilogramm giyohvand moddani sotmoqchi bo‘lgan jinoiy guruh a’zolari qo‘lga olindi

Ular 1 kilogramm “gashish” giyohvand moddasini 9000 AQSh dollariga sotmoqchi bo‘lganda qo‘lga olingan. Bu haqda viloyat IIB axborot xizmati xabar bermoqda.

Foto: IIB axborot xizmati

Qayd etilishicha, 2022 yilning 6 may kuni “Qora dori-2022” tadbiri davomida chetdan kontrabanda yo‘li orqali kirib kelayotgan hamda tranzit tashilayotgan giyohvandlik vositalarini aniqlash bo‘yicha Xo‘jaobod tumanining Qirg‘iziston Respublikasi bilan chegara hududida o‘tkazilgan tezkor tadbir natijasida uyushgan jinoiy guruh a’zolari qo‘lga olingan.

Xususan, Farg‘ona viloyatida yashovchi M.A., Qo‘rg‘ontepa tumanida yashovchi B.S. hamda J.M.lardan tashkil topgan jinoiy guruh a’zolari xolis xaridorga 1 kilogramm “gashish” giyohvand moddasini 9000 AQSh dollariga sotayotgan vaqtlarida tadbir ishtirokchilari tomonidan ushlandi.

Hozirda ushbu holat yuzasidan Xo‘jaobod tumani IIB tomonidan dastlabki surishtiruv ishlari olib borilmoqda.

Avvalroq, Sirdaryoda 13 kilogramm giyohvandlik moddalarini saqlab kelayotgan shaxs ushlanganligi ma’lum qilingan edi.

#Andijon #giyohvand modda