Qoʻshimcha funksionallar
-
Tungi ko‘rinish
SSV jazirama kunlarda qahva ichishdan voz kechishni tavsiya etdi
Yildan yilga yoz mavsumida havo harorati yuqorilab bormoqda. Albatta, bunga qator texnogen va tabiiy omillar ta’sir qilyapti. Bunday sharoitda insonlar anomal issiq ob-havoda yashashga ko‘nikishiga to‘g‘ri keladi. Xo‘sh, yoz chillasini qanday o‘tkazish kerak?
— Issiq havoda tabiiy, yorqin rangdagi, paxta matosidan bo‘lgan kiyimlarni kiyish maqsadga muvofiq, — deydi Olmazor tumani tibbiyot birlashmasi boshlig‘i Azizbek Nizamov. — Mavsumga mos bunday liboslar terining nafas olishiga imkon yaratadi, tana qizib ketishining oldini oladi.
Iloji boricha to‘g‘ri tushayotgan quyosh nuridan saqlanishga harakat qilish va bosh kiyim kiyib yurish lozim.
Quyosh nuri soat 12:00 dan 16:00 gacha juda faol holatda bo‘ladi. Shuning uchun bu vaqt oralig‘ida ko‘chaga chiqishni rejalashtirmagan ma’qul.
Ammo tashqariga chiqishga zarurat bo‘lsa, tananing ochiq joylarini quyosh nuridan asrashga harakat qilish kerak.
Issiq ob-havoda organizmda suv balansi buziladi hamda ko‘p namlik yo‘qotiladi. Shuning uchun jaziramada kuniga 3 litrdan kam bo‘lmagan miqdorda suyuqlik ichish zarur.
Yoz kunlari chanqoqni olcha, olma va nordon mevalardan tayyorlangan sharbatlar, ayron hamda limonli suvlar bosadi.
Jazirama kunlarda qahvadan voz kechgan ma’qul. Chunki u issiq kunda charchoqni oshiradi.
Shirin va gazlangan ichimliklar ham tavsiya etilmaydi.
Issiq ob-havoda spirtli ichimliklardan tiyilish kerak.
Mavzuga oid

12:21 / 09.07.2025
2025 yilning iyuni G‘arbiy Yevropa tarixidagi eng issiq oy bo‘ldi

14:20 / 08.07.2025
Jazirama kunlari tez yordamga salkam 250 mingta chaqiriq kelib tushdi

08:50 / 03.07.2025
Barselonada 100 yil ichidagi eng issiq iyun oyi kuzatildi

16:06 / 02.07.2025