5 oyda O‘zbekiston tashqi savdo aylanmasi qariyb 26 mlrd dollarga yetdi

2023 yilning yanvar-may oylarida O‘zbekistonning tashqi savdo aylanmasi 25,8 mlrd AQSh dollarini tashkil etdi.

Statistika agentligining dastlabki ma’lumotlariga ko‘ra, 2022 yilning mos davriga nisbatan 5,2 mlrd AQSh dollariga yoki 25,4 foizga oshgan.

5 oyda O‘zbekistonning tashqi savdo aylanmasi hajmida eksport 10,5 mlrd AQSh dollari va import 15,3 mlrd AQSh dollarini tashkil etgan. 

O‘zbekiston 2023 yilning yanvar-may oylarida jahonning 182 ta mamlakati bilan savdo aloqalarini amalga oshirgan.