Putin Farrux Zokirov va Sevara Nazarxonni orden bilan taqdirladi

Rossiya prezidenti Vladimir Putin o‘zbekistonlik san’atkorlar Farrux Zokirov va Sevara Nazarxonni mukofotlash to‘g‘risidagi farmonni imzoladi. 

Hujjat Rossiya Federatsiyasi normativ-huquqiy hujjatlar portalida e’lon qilindi.

Har ikki ijrochi o‘zbek va rus madaniyatini yaqinlashtirish va boyitishga qo‘shgan hissasi uchun «Do‘stlik» ordeni bilan taqdirlangan.

«Do‘stlik» ordeni 1994 yil bahorida ta’sis etilgan bo‘lib, u Rossiya va chet el fuqarolariga xalqlar o‘rtasidagi do‘stlik va o‘zaro hamjihatlikni mustahkamlashdagi xizmatlari, fan va madaniyat sohasidagi yutuqlari uchun beriladi.

Bundan oldin rossiyalik aktyor va rejissyor O‘zbekistonning «Do‘stlik» ordeni bilan taqdirlangandi.