AQSh harbiy-dengiz kuchlari yangi atom suvosti kemasiga ega bo‘ldi

USS Iowa (SSN 797) atom suvosti kemasining uzunligi 115 metr, kengligi 10 metr. U 240 metrdan ortiq chuqurlikka sho‘ng‘iydi va 25 uzeldan yuqori tezlikka erisha oladi.

Foto: Hearst Connecticut Media

Amerika Qo‘shma Shtatlari 5 aprel kuni o‘z harbiy-dengiz floti tarkibiga Virginia Block IV toifadagi yangi USS Iowa (SSN 797) atom suvosti kemasini qabul qilib oldi, deb xabar berdi Fox News.

Marosim Konnektikut shtati Nyu-London shahridagi harbiy-dengiz bazasida bo‘lib o‘tdi. Ushbu toifadagi suv osti kemalari 1600 km masofaga uchadigan 12 ta Tomahawk qanotli raketalari bilan jihozlangan.

Atom suv osti kemasining uzunligi 115 metr, kengligi 10 metr. U 240 metrdan ortiq chuqurlikka sho‘ng‘iydi va 25 uzeldan yuqori tezlikka erisha oladi.

AQSh Harbiy-dengiz kuchlari hozir Virginia sinfidagi va turli modifikatsiyadagi 23 ta atom suvosti kemasiga ega.

AQSh harbiy-dengiz kuchlarida, shuningdek, Los Angeles toifasidagi 26 ta ko‘pmaqsadli suvosti kemasi, uchta Seawolf toifasidagi suvosti kemasi, 154 ta Tomahawk qanotli raketalari bilan qurollangan Ohio toifasidagi 4 ta suv osti kemasi va har biri 20 ta Trident II D5 ballistik raketalarini tashiydigan 14 ta Ohio suvosti kemasiga ega.

#AQSh #harbiy-dengiz floti #suvosti kemasi