Qoʻshimcha funksionallar
-
Tungi ko‘rinish
AQSh yirik kompaniyalari maktab o‘quvchilarini sun’iy intellekt davriga tayyorlashga chaqirdi
Kompaniyalar sun’iy intellekt (SI) mehnat bozorini o‘zgartirayotganini va bu sohada bilimsiz avlodlar kelajakda raqobatlasha olmasligini ta’kidlaydi.
Foto: Nikki Wallace
Qo‘shma Shtatlarning yirik kompaniyalari, jumladan Microsoft, Adobe, IBM va Cognizant kompaniyalarining 250 nafardan ortiq rahbari AQSh maktablarida majburiy kompyuter fanlari va sun’iy intellekt (SI) kurslarini o‘qitishga chaqiruvchi ochiq xatni imzoladi.
Imzolovchilar orasida Satya Nadella (Microsoft), Shantanu Narayen (Adobe), Arvind Krishna (IBM) va Ravi Kumar (Cognizant) bor. Ular agar bolalarni texnologiyaga tayyorlamasa, Qo‘shma Shtatlar boshqa mamlakatlardan ortda qolish xavfi borligidan ogohlantirmoqda.
Maktub mualliflari SI mehnat bozorini o‘zgartirayotganini va bu sohada bilimsiz avlodlar kelajakda raqobatlasha olmasligini ta’kidlaydi. Ular sun’iy intellekt va dasturlash ko‘nikmalari ish haqini 8 foizga oshirishi va 660 milliard dollarlik iqtisodiy qiymat yaratishi mumkinligini ko‘rsatadigan ma’lumotlarni keltirmoqda.
Ta’kidlanishicha, hozir Qo‘shma Shtatlarning 37 ta shtati maktab o‘quv dasturlariga informatika fanini kiritgan. Yetakchilar fikriga ko‘ra, bu yetarli emas.
Mavzuga oid
11:31
Tramp Ukrainaga mudofaa uchun qo‘shimcha qurol yuborishga va’da berdi
09:05
AQSh savdo urushining yangi bosqichi: Tramp Yaponiya, Koreya va Qozog‘istonga 25% boj soldi
08:03
Tehronda AQSh manfaatlarini ifodalovchi Shveytsariya dipmissiyasi qayta ochildi
23:21 / 07.07.2025