Qoʻshimcha funksionallar
-
Tungi ko‘rinish
Toshkent viloyatida Malayziya vakillari uchun maxsus sanoat zonasi tashkil etilyapti
O‘zbekiston elchisi Karomiddin Gadoyev Malayziyaning o‘rta darajadagi kompaniyalari konsorsiumi (MSMs) a’zolarining yillik yig‘ilishida ishtirok etdi.
Tadbir davomida Malayziyaning yetakchi o‘rta biznes doiralari va Markaziy Osiyo mamlakatlari vakillari ishtirokida "Ochiq muloqot. Yangi ufqlar" mavzusida alohida panel sessiya bo‘lib o‘tdi.
O‘zbekiston elchisi mazkur sessiyadagi chiqishida islohotlar, xususan, qulay investitsion muhitni shakllantirish bo‘yicha amalga oshirilayotgan chora-tadbirlar to‘g‘risida batafsil so‘zlab berdi. Shuningdek, yurtimizda malayziyalik tadbirkorlarga qaratilayotgan alohida e’tibor va imtiyozlar haqida ta’kidlandi.
MSMs a’zolari bo‘lgan qator kompaniyalarda O‘zbekiston bozorlari va Toshkent viloyatida Malayziya vakillari uchun tashkil etilayotgan maxsus sanoat zonasi katta qiziqish uyg‘otdi.
Muloqot yakunida Malayziyaning bir qator ilg‘or kompaniyalari bilan istiqbolli hamkorlik yo‘nalishlarini birgalikda ishlab chiqish yuzasidan kelishib olindi.
MSMs Malayziya iqtisodiyotining asosiy harakatlantiruvchi kuchi bo‘lgan 15 000 dan ziyod o‘rta darajadagi kompaniyalarni birlashtiradi. Mamlakat yalpi ichki mahsulotining 40 foizi aynan ushbu korxonalar hissasiga to‘g‘ri keladi.
Mavzuga oid
07:51 / 04.07.2025
Malayziya O‘zbekiston OTMlari uchun ingliz tilidagi ilmiy adabiyotlarni taqdim etdi
16:10 / 01.07.2025
Inqiroz manzaralari: nurab yotgan issiqxonalar – har bir hududda
21:54 / 30.06.2025
Toshkent viloyatida 4 gektar yerni 300 ming dollarga sotishga uringan shaxslar ushlandi
12:58 / 28.06.2025