Toshkentda kapotida baliqlar bilan kontent olgan haydovchi jarimaga tortildi

Holat Ekologiya vazirligi hamda Ichki ishlar vazirligi bilan hamkorlikda birga o‘rganildi. O‘rganish natijasida ushbu huquqbuzarlik Toshkent shahrida fuqaro I.N. tomonidan sodir etilganligi ma’lum bo‘ldi.

Unga nisbatan  Ma’muriy javobgarlik to‘g‘risidagi kodeksning 111-moddasi 1-qismi bilan ma’muriy bayonnoma rasmiylashtirildi va bazaviy hisoblash miqdorining 3 baravari — 1 million 125 ming so‘m miqdorida jarima belgilandi.

"Unutmang! Tabiatdagi har qanday tirik jonzotlarga nisbatan nojo‘ya, o‘rinsiz, shafqatsiz munosabatda bo‘lish taqiqlangan va qonunchilikka muvofiq qat’iy javobgarlik belgilangan", deyiladi Ekologiya vazirligi xabarida.