Qoʻshimcha funksionallar
-
Tungi ko‘rinish
Kreml Trampning yangi bayonotlarini tahlil qilish uchun vaqt kerakligini qayd etdi
AQSh prezidentining bayonotlari juda jiddiy, dedi Kreml vakili.
Foto: Sergey Bobylev / RIA Novosti
Kreml AQSh prezidenti Donald Trampning Ukrainadagi vaziyat haqidagi so‘nggi bayonotlarini jiddiy qabul qildi va ularni tahlil qilishni rejalashtirmoqda, dedi Rossiya prezidenti matbuot kotibi Dmitriy Peskov.
«AQSh prezidentining bayonotlari juda jiddiy. Ularda nimadir shaxsan prezident Putinga qaratilgan. Vashingtonda aytilgan gaplarni tahlil qilish uchun albatta vaqt kerak», dedi u jurnalistlarga.
Kreml vakilining so‘zlariga ko‘ra, «prezident Putin agar va qachon zarur deb hisoblasa, bunga albatta izoh beradi».
«Men o‘zimdan o‘zib ketishni istamayman. Keling, Putinning qarorini kutaylik, bu haqda o‘zi izoh beradimi yoki yo‘qmi», deb qo‘shimcha qildi Peskov.
14 iyul kuni AQSh prezidenti Donald Tramp «Rossiyadan juda norozi» ekanini ta’kidladi. Oq uy rahbari agar Ukraina bo‘yicha 50 kun ichida kelishuvga erishilmasa, AQSh Rossiya va uning savdo hamkorlariga 100 foiz miqdorida ikkilamchi sanksiyalar joriy etishini ta’kidlagan edi.
Mavzuga oid
19:18
Rossiyada migrantlarning xorijga pul o‘tkazmalarini cheklash taklif qilindi
18:43
Xitoy Trampning tahdidlaridan keyin Rossiyani qo‘llab-quvvatlashni kuchaytirishga va’da berdi
15:24
Migrantlarga Rossiyaga kirishda tibbiy ma’lumotnoma taqdim etish majburiyati yuklanishi mumkin
15:16