Kiyev Rossiyaning dronlar hujumi va raketa zarbasi haqida xabar berdi

Rossiya qurolli kuchlari Kiyevga uchuvchisiz uchoqlar bilan hujum qildi, dedi shahar meri Vitaliy Klichko. Kiyev shahar harbiy ma’muriyati rahbari Timur Tkachenkoning so‘zlariga ko‘ra, raketa zarbasi ham amalga oshirilgan.

Rossiya qurolli kuchlari Ukrainaga, jumladan, Kiyevga uchuvchisiz uchoqlar bilan hujum qildi. Shahar meri Vitaliy Klichkoning Telegramʼda 31 iyul, payshanbaga o‘tar kechasi xabar berishicha, ayniqsa Solomenskiy tumani zarar ko‘rgan.

U yerdagi uch qavatli turar joy binosi yaqinida dronlar parchalari qulagan, gaz quvurida yong‘in chiqqan. Odamlar garajda qamalib qolgan. Voqea joyida favqulodda xizmatlar ish olib bordi.

Boshqa manzilda esa 7 qavatli turar joy binosining 6-qavatidagi xonadon yonib ketgan. Shifokorlar bir jabrlanuvchini kasalxonaga yotqizdi.

Yana bir manzilda 9 qavatli turar joy binosining yuqori qavatiga dronlar parchalari tushgan. Avtomobillar yonib ketdi.

Kiyev shahar harbiy ma’muriyati boshlig‘i Timur Tkachenko Telegramʼda sakkiz nafar jabrlanuvchi haqida ma’lum qildi.