HAMAS Falastin davlati tashkil etilmaguncha qurolni tashlashdan bosh tortdi

HAMAS guruhi poytaxti Quddus bo‘lgan Falastin davlati tashkil etilmaguncha qurolsizlanishdan bosh tortishini ma’lum qildi.

«Qurolli qarshilik (...) milliy huquqlarimiz to‘liq tiklanmaguncha va birinchi navbatda, poytaxti Quddus bo‘lgan mustaqil va to‘liq suveren Falastin davlatini yaratmaguncha to‘xtashi mumkin emas», deb HAMAS bayonotidan iqtibos keltirdi Al Arabiya.

Avvalroq, AQSh prezidentining maxsus vakili Stiv Uitkoff HAMAS qurolsizlanishga tayyorligi haqida gapirgan edi. HAMAS bayonoti bu so‘zlarni inkor qiladi.

Shuningdek, HAMAS ham Uitkoffning G‘azo sektoriga, aholiga insonparvarlik yordami tarqatish markaziga tashrifini tanqid qilib, safarni «jamoatchilik fikrini chalg‘itishga qaratilgan oldindan tayyorlangan teatr spektakli» deb atadi. HAMAS Qo‘shma Shtatlarni G‘azoda o‘t ochishni to‘xtatish, Isroil qo‘shinlarini olib chiqish, anklavdan qamalni olib tashlashda rol o‘ynashga chaqirdi.

Avvalroq Uitkoff G‘azo sektoridagi janglarni uzil-kesil to‘xtatish va vaziyatni to‘liq hal qilish bo‘yicha kelishuvga erishish hozir asosiy siyosiy vazifa bo‘lishi kerakligini aytgandi.

Shu bilan birga, Uitkoff HAMAS bilan garovga olinganlar bo‘yicha muzokaralardagi muvaffaqiyat haqida xabar beradigan hech narsa yo‘qligini aytdi.

«HAMAS o‘zini so‘zida turmaydigandek tutmoqda. Muzokaralar hafsalani pir qildi va endi biz o‘ylayapmiz: biz hamma narsani qilishimiz yoki hech narsa qilmasligimiz kerak», dedi prezidentning maxsus vakili.