Қирғизистонда сиёсий мухолифатчи Текебаев уй қамоғига ўтказилди

Фото: 24.kg

Бишкекнинг Первомайский район суди коррупция ва порахўрликда айбланиб 8 йилга озодликдан маҳрум этилган сиёсий мухолифатчи Омурбек Текебаевни уй қамоғига ўтказиш тўғрисида ҳукм чиқарди.

Қирғизистоннинг энг таниқли сиёсатчиларидан бири, "Ата Мекен" мухолиф партияси етакчи Текебаев 2017 йилда Венадаги ЕХҲТ парламент ассамблеяси сессиясидан қайтиб келган чоғида Бишкек аэропортида қўлга олинганди.

У билан бир вақтда республиканинг собиқ элчиси Дуйшонкул Чотонов ҳам ҳибсга олинганди. Сиёсатчилар коррупцияда айбланган ва ҳар иккиси 8 йилдан озодликдан маҳрум этилганди.

Қирғизистон олий суди 21 август куни Текебаев ва Чотонов ишларини қайта кўриш учун юборганди.

#Қирғизистон #Омурбек Текебаев