Қўшимча функционаллар
-
Тунги кўриниш
Тўқаев Қозоғистоннинг Мисрдаги элчисига ҳайфсан берди
Дипломат Facebook саҳифасидаги постида «СССР ва мустамлакачи Россия давридаги баҳсли жой номларидан» воз кечишга чақирган.
Фото: KazTag
Қозоғистон президенти Қосим-Жўмарт Тўқаев давлат хизматчилари ахлоқ кодекси талабларига риоя қилмагани учун мамлакатнинг Мисрдаги элчиси Кайрат Лама Шарифга ҳайфсан берди, деб хабар қилди InformBuro.kz.
«Президент Қосим-Жўмарт Тўқаев Қозоғистон Республикаси давлат хизматчилари ахлоқ кодексининг 9-моддаси талабларига риоя қилмагани учун Қозоғистоннинг Миср Араб Республикасидаги фавқулодда ва мухтор элчиси Кайрат Каирбекули Лама Шарифга ҳайфсан эълон қилди», — дейилади хабарда.
Кодекснинг ушбу моддасига кўра, давлат хизматчилари «давлат сиёсатининг асосий йўналишларига мос келмайдиган» фикрларини оммавий тарзда билдирмаслиги керак.
KazTag агентлигининг ёзишича, дипломат 3 март куни Facebook саҳифасидаги постида «СССР ва мустамлакачи Россия давридаги баҳсли жой номларидан» воз кечишга чақирган. Ҳозирда ушбу пост ўчириб ташланган.
Шариф республика пойтахти номини Нур-Султондан Остонага қайтариш, Алматини Олмаота деб ўзгартиришни таклиф қилган. Унинг фикрича, Қозоғистон номини ҳам «Қозоқ давлати» деб ўзгартириш керак.
Мавзуга оид
17:57 / 08.07.2025
Қозоғистонда куйдирги тарқалди, икки қишлоқ карантинга олинди
09:05 / 08.07.2025
АҚШ савдо урушининг янги босқичи: Трамп Япония, Корея ва Қозоғистонга 25% бож солди
23:07 / 05.07.2025
Ўзбекистон, Озарбойжон ва Қозоғистон «яшил энергия» йўлаги бўйича қўшма корхона ташкил этди
16:00 / 04.07.2025