Қўшимча функционаллар
-
Тунги кўриниш
АҚШ Олий суди TikTok тақиқланиши ҳақидаги қонунни кучда қолдирди
Судялар ўтган йили Конгрессда кўпчилик овоз билан қабул қилинган ва TikTok сотилиши ёки тақиқланиши кераклиги ҳақидаги қонун сўз эркинлигини ҳимоя қилувчи АҚШ Конституциясининг Биринчи тузатишини бузмайди, деган қарорга келди.
Фото: Reuters
17 январ куни АҚШ Олий суди TikTok қисқа видеолар платформасини ByteDance компанияси томонидан сотилиши ёки миллий хавфсизлик нуқтаи назаридан АҚШ ҳудудида тақиқланишини талаб қиладиган қонунни кучда қолдирди. Бу америкаликларнинг деярли ярми фойдаланадиган платформага катта зарба, деб хабар берди Reuters.
Судялар ўтган йили Конгрессда икки партиянинг катта кўпчилик овози билан қабул қилинган ва президент Жо Байден томонидан имзоланган қонун сўз эркинлигини ҳимоя қилувчи АҚШ Конституциясининг Биринчи тузатишини бузмайди, деган қарорга келди.
TikTok Қўшма Штатлардаги энг машҳур ижтимоий медиа платформаларидан бири бўлиб, ундан 270 миллионга яқин америкаликлар фойдаланади, бу мамлакат аҳолисининг қарийб ярми.
Иш бўйича баҳслар давомида Адлия вазирлиги адвокати Элизабет Прелогар сўзларига кўра, Хитой ҳукуматининг TikTok устидан назорати АҚШ миллий хавфсизлигига «жиддий таҳдид» туғдиради, чунки Хитой америкаликлар ҳақида жуда кўп миқдордаги нозик маълумотларни тўплашга ва яширин таъсир ўтказишга интилади. Прелогарнинг таъкидлашича, Хитой ByteDance каби компанияларни ижтимоий тармоқ фойдаланувчилари ҳақидаги маълумотларни яширин равишда топширишга ва Хитой ҳукумати кўрсатмаларига риоя қилишга мажбурламоқда. Хитой ҳукумати бу даъволарни рад қилиб келяпти.
2024 йил декабр ойида АҚШ сайланган президенти Доналд Трамп Олий суддан ўзининг янги маъмуриятига «ушбу иш бўйича муаммоларни сиёсий ҳал этиш имкониятини» бериш учун қонунни бекор қилишни сўраган эди. Аммо Трамп TikTok платформасини «қутқариш»га ваъда берган бўлса-да, унинг кўплаб республикачи иттифоқчилари тақиқни қўллаб-қувватлади.
Энди TikTok 19 январ куни АҚШ ҳудудидаги иловасини ўчириб қўйишни режалаштирмоқда, бу компанияга берилган сўнгги муҳлат санаси эди.
Тавсия этамиз
Ўзбекистонда кейинги ҳафта жазирама иссиқ бўлади
Ўзбекистон | 15:46 / 13.06.2025
Ғарб Исроил Эронга зарба беришидан хавотирда. Бу ҳақда нималар маълум ва оқибатлар қандай бўлиши мумкин?
Жаҳон | 21:01 / 12.06.2025
Қизалоққа қарши армия: Грета Тунберг Ғазога етиб боролмади
Жаҳон | 17:45 / 11.06.2025
Сўм 2 ҳафтада 2 фоизга мустаҳкамланди. Қандай қилиб?
Иқтисодиёт | 18:57 / 10.06.2025
Сўнгги янгиликлар
-
Трамп билан Путин Яқин Шарқдаги хавфли кескинлашувни муҳокама қилди
Жаҳон | 21:33
-
АҚШда демократ сиёсатчиларга ҳужум уюштирилди, улардан бири вафот этди
Жаҳон | 21:27
-
Uzbekistan Airways авиакомпанияси Тел-Авивга парвозларни тўхтатди
Ўзбекистон | 21:18
-
Ўзбекистонда насия савдо. Бир йилда бўлиб тўлаш 1,5 баробаргача қимматга тушади
Иқтисодиёт | 21:03
Мавзуга оид
21:33
Трамп билан Путин Яқин Шарқдаги хавфли кескинлашувни муҳокама қилди
21:27
АҚШда демократ сиёсатчиларга ҳужум уюштирилди, улардан бири вафот этди
20:19
АҚШ Россия нефти нархининг юқори чегарасини пасайтиришга қарши – ОАВ
11:39
«АҚШ энг кучли ҳарбий ускуналарни ишлаб чиқаради ва Исроилда улар жуда кўп» – Трамп Эронга таҳдид қилди
