Йиғи, кулги ва байрам. Ўзбекистон мундиалга чиққан тарихий ўйиндан фотогалерея

Футбол бўйича Ўзбекистон миллий жамоаси 5 июн куни Абу-Дабидаги «Ал-Наҳаён» стадионида мезбонларга қарши кечган ҳал қилувчи ўйинда 0:0 ҳисобидаги дурангга эришди. Бу натижа эвазига Тимур Кападзе бошчилигидаги жамоа Аргентина, Япония, Эрон, Янги Зеландия каби жамоалар ортидан муддатидан олдин жаҳон чемпионатига йўлланмани қўлга киритди.

Ўйин Ўзбекистон учун осон бошланмади. Остон Ўрунов 11-дақиқадаёқ жароҳат олиб майдонни тарк этишга мажбур бўлди.

Ўйин давомида, яримҳимоячи Фаррух Сайфиев ҳам сафдан чиқди.

Дарвозабон Ўткир Юсупов бир неча бор сейвлари билан Ўзбекистонни голдан сақлаб қолди.

Умуман, Тимур Кападзенинг танлаган прагматик услуби якунда жамоа учун керакли натижани келтирди. 

Ўзбекистон сафарда олинган 1 очко билан ўз ҳисобидаги очколарни 18 тага етказиб, гуруҳда 2-ўринни кафолатлади. 3-ўринда бўлган БАА энди Ўзбекистонга ета олмайди.

Ўзбекистон 8-уринишда мундиал йўлланмасига эга чиқди. Ўз тарихида илк бор мундиалга чиққан Ўзбекистон жаҳон чемпионатлари тарихидаги 81-жамоага айланди.

Энди миллий жамоа 2026-йилда АҚШ, Мексика ва Канада майдонларида ўтадиган жаҳон чемпионатида қатнашади.

ЎФА Ўзбекистон миллий жамоасининг тарихий ўйиндан фотогалереяни тақдим этди.