Yuliy Yusupov Iqtisodiyot va sanoat vazirligini tugatishni taklif qildi

Foto: KUN.UZ
Iqtisodchi Yuliy Yusupov Iqtisodiyot va sanoat vazirligini «zararli tashkilot» sifatida tugatishni taklif qildi. Bu haqda u Facebook’dagi sahifasida yozgan.
Uning fikricha, vazirlik tugatilmasa, mamlakatda rivojlanish bo‘lmaydi. Ekspertning bunday izohiga muhokama uchun e'lon qilingan hujjat loyihasi sabab bo‘ldi, unda vazirlik «o‘rta biznes» toifasini joriy etish va bunday korxonalarni QQS to‘lashdan ozod qilishni taklif etgan.
«Aftidan, Iqtisodiyot va sanoat vazirligi iqtisodiyot qonunlariga zid bo‘lgan hamda mamlakat iqtisodiy rivojiga to‘sqinlik qiladigan me'yoriy hujjatlar loyihalarini tayyorlashda birinchi o‘rinni egallashga qat'iy qaror qilgan. Bu o‘n minglab korxonalarni ushbu yoqimsiz va qiyin soliqqa o‘tkazish bo‘yicha sa'y-harakatlardan keyin, QQS stavkasini pasaytirish va ko‘plab imtiyozlar hamda istisnolarni bekor qilish to‘g‘risida (bir yil kechikish bilan) qaror qabul qilingach ro‘y bermoqda. Endi bularning barchasini unutish hamda islohotdan oldingi holatga qaytish taklif etilmoqda. Ajoyib!» - deb yozadi Yusupov.
Uning ta'kidlashicha, bunday choralar faqat soliq yukining oshishiga olib keladi, sababi QQS to‘lashda biron-bir imtiyoz va istisnolar bo‘lmasligi lozim.
«QQS to‘lashning mohiyati va mexanizmlarini tushunmaslik ham shu darajada bo‘ladimi. Agar ushbu soliqni to‘lash zanjirida to‘lamaydiganlar paydo bo‘lsa, unda soliq yuki keyingi halqalarga tushadi. Ya'ni, QQS yo‘q bo‘lib qolmaydi, u baribir to‘liq miqdorda to‘lanadi, faqat boshqa tadbirkorlar tomonidan. Shuningdek, to‘lov zanjiridagi tafovut tufayli, ilgari to‘langan QQS hisobga olinmaydigan holatlar ham yuzaga keladi. Soliqlarning umumiy yuki yanada oshadi. Shuning uchun, QQSni to‘lashda hech qanday imtiyozlar va istisnolar bo‘lmasligi kerak. Bu alifbo, ammo vazirlik amaldorlari bu alifboni bilishmaydi shekilli», - deya xulosa qilgan ekspert.
Tavsiya etamiz
Qaysi toifadagi talabalardan o‘qishni tugatguncha granti olib qo‘yilmaydi?
O‘zbekiston | 11:26 / 07.06.2025
Milliy jamoa a’zolariga BYD avtomobillari topshiriladi
Sport | 16:14 / 06.06.2025
Tramp va Mask ochiqchasiga urishib ketdi
Jahon | 12:05 / 06.06.2025
Yangi Toshkent qanaqa bo‘ladi? Bosh arxitektor va mas’ul shaharsoz bilan suhbat
O‘zbekiston | 17:07 / 05.06.2025
So‘nggi yangiliklar
-
Toshkentning ayrim ko‘chalari velomarafon sabab vaqtincha yopiladi
O‘zbekiston | 00:21
-
Turkiyada sayyohlarning kartasidan 29 mln dollar o‘g‘irlagan guruh a’zolari ushlandi
Jahon | 22:58 / 07.06.2025
-
Ilon Mask AQSh prezidenti bilan ziddiyat ortidan yangi partiya tuzishni taklif qildi
Jahon | 22:08 / 07.06.2025
-
Jyeyms Kukning afsonaviy Endeavour kemasi topildi
Jahon | 21:48 / 07.06.2025
Mavzuga oid

16:08 / 24.05.2025
82 milliard so‘mlik QQS tadbirkorlarga noqonuniy qaytarilgani aniqlandi – DXX

11:39 / 05.05.2025
Kam ta’minlangan oilalarga 19 mlrd so‘mdan ortiq QQS qaytarildi

12:11 / 27.03.2025
Barcha farmatsevtika va tibbiy xizmat ko‘rsatuvchi kompaniyalar QQS to‘lovchisiga aylanadi

10:56 / 18.03.2025