Andijonda Lacetti traktorga borib urildi

Andijon viloyatining Asaka tumanida Lacetti va traktor ishtirokida YTH yuz berdi. Bu haqda viloyat IIB matbuot xizmati xabar qildi.

Hodisa 14 oktyabr kuni soat 20:30 larda tuman hududidan o‘tgan A-373 avtomobil yo‘lining 416 kilometrida sodir bo‘lgan. Lacetti haydovchisi X.O. (1997 yilda tug‘ilgan)o‘zi bilan bir yo‘nalishda harakatlanib borib, chapga qayrilish uchun yo‘lning qatnov qismi o‘rtasida to‘xtab turgan T-28X4 rusumli traktorning orqasidan kelib urilgan.

 Oqibatda har ikki transport vositalari haydovchilari yengil turdagi tan jarohatlari bilan kasalxonaga yotqizilgan.

Hozirda ushbu holat yuzasidan Asaka tumani IIB JXX YXXB xodimlari tomonidan surishtiruv harakatlari olib borilmoqda.