Qoʻshimcha funksionallar
-
Tungi ko‘rinish
Saida Mirziyoyeva YeIning Markaziy Osiyo bo‘yicha maxsus vakili bilan uchrashdi
Uchrashuv davomida O‘zbekiston va YeI o‘rtasidagi hamkorlikni yanada chuqurlashtirish imkoniyatlari muhokama qilindi.
Foto: Telegram/Saida Mirziyoyeva
Prezident yordamchisi Saida Mirziyoyeva bugun, 14 may kuni Yevropa Ittifoqining Markaziy Osiyo bo‘yicha maxsus vakili Eduards Stiprays bilan uchrashuv o‘tkazdi.
Qayd etilishicha, uchrashuv davomida O‘zbekiston va YeI o‘rtasidagi hamkorlikni yanada chuqurlashtirish imkoniyatlari, shuningdek, Markaziy Osiyo mintaqasidagi hamkorlik ochiq muhokama qilingan.
Xususan, xotin-qizlar tadbirkorligini va ta’lim sohasini qo‘llab-quvvatlash tashabbuslari, suv resurslari bilan bog‘liq masalalar hamda mintaqalararo aloqalar e’tibor markazida bo‘lgan.
«Janob Stipraysning mintaqamiz bilan bog‘liq boy kasbiy tajribasi sheriklikni mustahkamlashga xizmat qilishiga ishonamiz. Ochiq va konstruktiv muloqot uchun minnatdorlik bildiramiz», — deb yozadi Saida Mirziyoyeva o‘zining Telegram-kanalida.
Eslatib o‘tamiz, prezident Shavkat Mirziyoyev 13 may kuni Eduards Stipraysni qabul qilgandi. Uchrashuvda mintaqaviy kun tartibidagi dolzarb masalalar yuzasidan fikr almashilgan, shuningdek, bo‘lajak tadbirlar rejasi ko‘rib chiqilgan.
Mavzuga oid
10:51
S&P Global Ratings O‘zbekistonning suveren kredit reytingi prognozini «ijobiy» darajaga yaxshiladi
10:38 / 21.05.2025
Kiyev YeIni AQSh senatorlarining sanksiyalar bo‘yicha g‘oyalarini qabul qilishga chaqirdi
10:00 / 21.05.2025
YeI Rossiyaga qarshi to‘rtta rejim doirasida sanksiyalar kiritdi
08:27 / 21.05.2025