Pasport qoidalarini buzganlik uchun jarimalar miqdori o‘zgardi

Hujjat bilan Ma’muriy javobgarlik to‘g‘risidagi kodeksga pasport tizimi va bo‘lish qoidalarini buzganlik uchun jarimalar miqdorini yumshatish yoki aniqlashtirish nazarda tutilgan bir qator o‘zgartirishlar kiritildi. 

MJtKning 223-moddasiga quyidagicha o‘zgartirish kiritildi:

O‘zbekiston fuqarosining pasport yoki ID-kartasiz yashashi yoki ularning muddati tugagan va yangisiga almashtirilmagan variantidan foydalanishi BHMning yarim baravari (187,5 ming so‘m) miqdorda jarimaga sabab bo‘ladi (avval yarimdan 3 BHMgacha). Ushbu qoidabuzarlik bir yil davomida takrorlansa, 3 BHM (1,125 ming so‘m) miqdorida jarima belgilanadi (5 BHM edi).

Xuddi shu tartib mamlakatda doimiy yashovchi chet el fuqarosi va fuqaroligi bo‘lmagan shaxsning ID-kartasiz (yashash guvohnomasisiz) yoki muddati o‘tgan ID-karta bilan yashashi bo‘yicha ham qo‘llanadi.

O‘zbekiston fuqarosining pasporti, ID-kartasi yoki xorijga chiqish pasportini, mamlakatda doimiy yashovchi xorijlik yoki fuqaroligi yo‘q shaxsning ID-kartasi yoki harakatlanish hujjatini yaroqsizlantirish yoki yo‘qotib qo‘yishi 1 BHM (375 ming so‘m) miqdorida jarima bilan jazolanadi (yarimdan 3 BHMgacha edi).

Shu huquqbuzarlik ma’muriy jazo chorasi qo‘llanganidan keyin bir yil davomida takror sodir etilgan bo‘lsa, 5 BHM (1,875 million so‘m) miqdorida jarima solishga sabab bo‘ladi.

O‘zbekiston fuqarosining, mamlakatda doimiy yashovchi chet el fuqarosining va fuqaroligi bo‘lmagan shaxsning yashash joyi yoki turgan joyi bo‘yicha ro‘yxatdan o‘tmasdan yashashi, 3 BHM (1,125 ming so‘m) miqdorida jarima solishga sabab bo‘ladi (avval yarimdan 3 BHMgacha).

Huquqbuzarlik bir yil davomida takror sodir etilsa, jarima 5 BHM (1,875 million so‘m) miqdorida bo‘ladi.

O‘zbekistonda yashashiga ruxsat berilgan chet el fuqarolari yoki fuqaroligi yo‘q shaxslar hujjatsiz yoki ro‘yxatga olishsiz yashaganda, avvalgidek, 5 BHM, takroriysida 10 BHM miqdorida jarima solinadi.

Ma’muriy javobgarlik to‘g‘risidagi kodeksning 223−3-moddasiga ko‘ra, pasport yoki shaxsiy guvohnomani garovga o‘tkazganlik uchun jarima 2 BHMga (ilgari 10 dan 15 BHMgacha edi) tushirildi.

Pasport yoki shaxsiy guvohnomani noqonuniy olib qo‘yish uchun jarima 10 BHM (ilgari 10 dan 15 BHMgacha) bo‘ladi.