Qoʻshimcha funksionallar
-
Tungi ko‘rinish
Samolyot o‘rindig‘i o‘rnatilgan 68 yillik “Moskvich”ga million rubl so‘raldi

Foto: auto.ru
Omsklik Aleksey Nazarov to‘liq restavratsiya qilingan, 1949 yilda ishlab chiqarilgan 400-seriyadagi “Moskvich”ini sotuvga qo‘ydi. Nazarov mashinani tiklashda hattoki samolyot detallaridan foydalandi. Jumladan, avtomobilga Tu-154 camolyoti o‘rindig‘i o‘rnatilgan. Mashina bir million rublga sotilishi Auto.ru saytida e'lon qilingan.
“Original “Moskvich”da hech narsa, jumladan pechka bo‘lmagan. Men bu “Moskvich”ni unda xoh qish, xoh istalgan ob-havoda yurish uchun yaratdim. Bu to‘g‘rirog‘i gibriddir. Unda ko‘plab sovet mashinalari detallari bor. Hattoki samolyot va vertolyot detallari ham qo‘llangan. Misol uchun, salondagi o‘rindiqlar Tu-154’niki”, deb aytgan Nazarov “NGS Omsk” nashriga.

E'londa mashinaga VAZ-2103’ning 81 ot kuchiga ega dvigateli o‘rnatilgani ko‘rsatilgan. Mashina uzatmalar qutisi 5 pog‘onali. Bundan tashqari, mashinada USB va AUX raz'yomlariga ega multimedia tizimi mavjud.

Nazarovning ta'kidlashicha, avtomobillarni tiklash uning xobbisidir. U bu mashinani o‘g‘lini to‘yini o‘tkazish uchun sotishga qaror qilgan.

Mavzuga oid

20:03 / 08.07.2025
Italiyada erkak uchishga tayyorlanayotgan samolyot dvigateliga kirib ketdi

09:05 / 04.07.2025
Ozarboyjon – Rossiya: sovuqlik fonida Embraer 190 halokatiga oid shov-shuvli tafsilot paydo bo‘ldi

14:20 / 20.06.2025
Tbilisi-Toshkent yo‘nalishidagi samolyot uchish aeroportiga favqulodda qaytib qo‘ndi

13:10 / 18.06.2025