Qoʻshimcha funksionallar
-
Tungi ko‘rinish
Myunxendan Shanxayga uchayotgan samolyot Toshkentga favqulodda qo‘ndi
Bunga yo‘lovchilardan biri – 57 yoshli Italiya fuqarosining qon bosimi ko‘tarilgani sabab bo‘lgan. U Toshkent shahridagi tibbiyot muassasalaridan biriga yotqizilgan.
Foto: Lufthansa
“Lufthansa” aviakompaniyasi samolyoti Toshkent aeroportiga favqulodda qo‘nishni amalga oshirdi. Bu haqda Uzbekistan Airports xabar berdi.
Ma’lum qilinishicha, “Lufthansa” aviakompaniyasining Myunxendan Shanxayga uchayotgan LH-726 reysi soat 8:13 da Toshkent aeroportiga favqulodda qo‘ngan.
Favqulodda qo‘nishga yo‘lovchilardan birining sog‘ligi yomonlashgani, qon bosimining beqarorligi sabab bo‘lgan. 57 yoshli Italiya fuqarosi bort qo‘nganidan so‘ng darhol poytaxt tibbiyot muassasalaridan biriga yotqizilgan.
Soat 10:04 da LH-726 reysi Toshkent aeroportidan Shanxayga parvozini davom ettirgan.
Mavzuga oid
20:03 / 08.07.2025
Italiyada erkak uchishga tayyorlanayotgan samolyot dvigateliga kirib ketdi
09:05 / 04.07.2025
Ozarboyjon – Rossiya: sovuqlik fonida Embraer 190 halokatiga oid shov-shuvli tafsilot paydo bo‘ldi
14:20 / 20.06.2025
Tbilisi-Toshkent yo‘nalishidagi samolyot uchish aeroportiga favqulodda qaytib qo‘ndi
13:10 / 18.06.2025