Intellektual mulk sohasida yangi ko‘krak nishoni ta’sis etiladi 

"Intellektual mulk sohasini rivojlantirishga qo‘shgan hissasi uchun" ko‘krak nishonini ta’sis etish chora-tadbirlari to‘g‘risida"gi hukumat qarori loyihasi e’lon qilindi.

Quyidagilar:

“Intellektual mulk sohasini rivojlantirishga qo‘shgan hissasi uchun” ko‘krak nishoni to‘g‘risidagi nizom;
“Intellektual mulk sohasini rivojlantirishga qo‘shgan hissasi uchun” ko‘krak nishoni va uning guvohnomasi tavsiflari tasdiqlanadi.

Markaziy bankning “Davlat belgisi” davlat unitar korxonasi Adliya vazirligining buyurtmasiga asosan “Intellektual mulk sohasini rivojlantirishga qo‘shgan hissasi uchun” ko‘krak nishoni va uning guvohnomasi tayyorlanishini belgilangan tartibda ta’minlaydi.

“Intellektual mulk sohasini rivojlantirishga qo‘shgan hissasi uchun” ko‘krak nishoni va uning guvohnomasini tayyorlash bilan bog‘liq xarajatlar Adliya vazirligining budjetdan tashqari Adliya organlari va muassasalarini rivojlantirish jamg‘armasi mablag‘lari hisobidan qoplanishi inobatga olinadi.

Adliya vazirligi ko‘krak nishonini har yili 26 aprel – “Xalqaro intellektual mulk kuni” arafasida tantanali ravishda topshirilishini ta’minlaydi.