Uzbekistan Airways aviakompaniyasi Tel-Avivga parvozlarni to‘xtatdi

Bunga Isroil havo hududidan foydalanish bo‘yicha joriy etilgan cheklovlar sabab bo‘ldi.

Foto: Kun.uz

Isroilning Tel-Aviv shahri xalqaro aeroportida havo hududidan foydalanish bo‘yicha joriy etilgan cheklovlar sababli, Uzbekistan Airways 2025 yil 16 iyundan 30 iyungacha Toshkent–Tel-Aviv–Toshkent yo‘nalishidagi reyslarni vaqtincha to‘xtatdi.

Ta’kidlanishicha, bekor qilingan reyslar yo‘lovchilari aviabilet uchun to‘lovlarni qaytarib olish yoki boshqa sanalarga bepul qayta band qilish uchun murojaat etishi mumkin.

Avvalroq, Isroil Davlati bilan aviaqatnovlar vaqtincha to‘xtatilgani haqida O‘zbekistonning Isroildagi elchixonasi xabar bergan edi.

#Isroil #aviaqatnov #Uzbekistan Airways