O‘zbekiston | 14:35 / 24.06.2025
838
1 daqiqa o‘qiladi

“Eng namunali yashil turizm obekti” tanlovi o‘tkaziladi

Hukumat qarori bilan “Eng namunali yashil turizm obekti” tanlovini tashkil etish va o‘tkazish tartibi to‘g‘risida”gi nizom tasdiqlandi.

Foto: Kun.uz 

Nizom o‘z faoliyatida chiqindilar hosil bo‘lishini kamaytirishda tashabbus ko‘rsatgan tadbirkorlar o‘rtasida "Eng namunali yashil turizm obekti" tanlovini tashkil etish va o‘tkazish tartibini belgilaydi.

Turizm qo‘mitasi har yili 1 iyulgacha tanlovni o‘tkazish haqida o‘z rasmiy sahifalarida e’lon beradi.

Tanlov har yili sentabr - noyabr oylarida quyidagi bosqichlarda o‘tkaziladi:

  • hududiy saralash bosqichi – Qoraqalpog‘iston Respublikasi, viloyatlar va Toshkent shahri miqyosida;
  • respublika yakuniy bosqichi - hududiy saralash bosqichlari g‘oliblari o‘rtasida respublika miqyosida.

Respublika bosqichi g‘oliblari quyidagi miqdorlarda bir yo‘la to‘lanadigan pul mukofoti bilan taqdirlanadi:

1-o‘rin - BHMning 150 baravari;
2-o‘rin - BHMning 100 baravari;
3-o‘rin - BHMning 50 baravari.

Mavzuga oid