«Интер» футболчиси «Челси» билан ўйинда майдон марказидан автогол урди

Миланнинг «Интер» клуби ўйинчиси Жоффруа Кондогбия Халқаро чемпионлар кубоги доирасида «Челси»га қарши кечган  учрашувида майдон марказидан ўз дарвозасига гол урди. Автогол видеоси YouTube’да жойлаштирилди.

74-дақиқада ҳисоб «Интер» фойдасига 2:0 кўринишида эканида Кондогбия майдон маркази яқинида тўпни рақиб босими остида дарвозабонга йўллашга қарор қилган. Бироқ футболчининг узатмаси автоголга айланган: тўп дарвозабон устидан ўтиб, «Интер»  дарвозасидан жой олган. 

Кўплаб фойдаланувчилар бу гол йилнинг энг кулгили голларидан бири номига даъвогарлик қилиши мумкинлигини тахмин қилишган.  

Сингапурда ўтган учрашув 2:1 ҳисобида «Интер» фойдасига якунланган.

{Yii::t(}

Ўтказиб юбориш 6s

Ўтказиб юбориш