Skype'га янги функциялар қўшилди 

Microsoft трансмиллий компанияси Skype дастурига янги функциялар қўшилганини эълон қилди. Энди персонал компьютер фойдаланувчилари илгари фақат смартфонларда мавжуд бўлган имкониятлардан  фойдаланишлари мумкин. 

Skype Insider лойиҳаси фойдаланувчилари янги функциялар синовига киришишди. Microsoft компанияси маълумотига кўра, дастур функционали анча янгиланган. Биринчи муҳим янгилик - @ рамзи ёрдамида чатда контактларни излаш имконининг яратилганида. Бу керакли суҳбатдошларни излаш жараёнини анча осонлаштиради.

Бундан ташқари, дастурнинг ташқи кўриниши ҳам ўзгарди. Дизайнерлар илгари киритилган ҳужжатлар, аудио- ва видео-файллар ҳамда ҳаволаларни кўриш имконини қўшишди. 

Бу аввал йўлланган контентни излаш вақтини анча тежайди. Бироқ ишлаб чиқарувчилар бу билангина чекланиб қолишмади. Гуруҳ қўнғироқлари, шунингдек оддий ташиш созламалари функциялари ҳам кенгайтирилди.