O‘zbekistonlik bokschilar Sankt-Peterburgdagi xalqaro turnirga yo‘l olishdi

Bugun, 5 may kuni boks bo‘yicha O‘zbekiston terma jamoasi vakillari Rossiyaning Sankt-Peterburg shahriga yo‘l olishdi.

O‘zbekistonlik bokschilar 6-12 may kunlari bo‘lib o‘tadigan an'anaviy «Sankt-Peterburg Gubernatori kubogi» musobaqasida ishtirok etishadi. Turnirda 4 qit'aning 20dan ziyod mamlakatidan keladigan bokschilar jam bo‘lishadi.

O‘zbekiston terma jamoasining ushbu xalqaro turnirga yo‘l olgan tarkibi:
-52 kg: Xudoynazar Fayzov
-60 kg: Otabek Xolmatov
-64 kg: Zoir Jumanazarov
-69 kg: Iqboljon Xoldorov
-75 kg: Fanat Kahramonov
-81 kg: Kozimbek Mardonov
-91 kg: Madiyar Saidraximov
+91 kg: Obidjon Tohirov

Murabbiylar: Rahmatjon Ro‘zioxunov, Abduvohid Jalolov