Toshkentda to‘rtta mashina ishtirokida YTH sodir bo‘ldi

Mustaqillik-Oqqo‘rg‘on ko‘chalari kesishgan chorrahada 3 ta Cobalt va Onix to‘qnashdi. Onix haydovchisiga tez tibbiy yordam xodimlari tomonidan birinchi yordam ko‘rsatilgan.

Toshkent shahar Mirzo Ulug‘bek tumani, Mustaqillik—Oqqo‘rg‘on ko‘chalari kesishgan chorrahada 31 yanvar kuni soat 23:20 larda YTH sodir bo‘ldi.

Toshkent shahar IIBB YHXB xabar berishicha, 1994 yilda tug‘ilgan A.T. boshqaruvidagi Cobalt, 2001 yilda tug‘ilgan Z.Sh. boshqaruvidagi Cobalt, 2001 yilda tug‘ilgan Sh.S. boshqaruvidagi Onix va 1979 yilda tug‘ilgan K.B. boshqaruvidagi Cobalt avtomashinalari o‘zaro to‘qnashgan.

Hodisa oqibatida Onix haydovchisiga tez tibbiy yordam xodimlari tomonidan birinchi yordam ko‘rsatilgan.

Holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.

#Toshkent #YTH