Toza energiya targ‘iboti: Sungrow O‘zbekistonda faoliyatini kengaytirmoqda

Hozirda iste’mol qilayotgan elektr energiyasining katta qismi hanuzgacha ko‘mir, neft va gaz kabi tiklanmaydigan manbalarni yoqish orqali ishlab chiqariladi. Bu jarayonda atmosferaga turli zaharli gazlar chiqariladi, bu esa atrof-muhitga jiddiy zarar yetkazadi. Natijada global isish, muzliklar erishi va quriqchiliklar kuzatilmoqda. Bugungi kunda dunyo jamoatchiligi oldidagi asosiy vazifalardan biri — tabiat va havoga zarar yetkazmaydigan toza energiya ishlab chiqarish hisoblanadi. Bu muammoni barqaror yechimlar bilan hal etayotgan kompaniyalardan biri — Sungrow hisoblanadi.

1997 yilda Xitoyda tashkil etilgan Sungrow kompaniyasi bugungi kunda 180 dan ortiq mamlakatda o‘z faoliyatini amalga oshirmoqda. 2024 yil holatiga ko‘ra, kompaniya tomonidan o‘rnatilgan quyosh invertorlari 740 GVtdan ortiq energiya ishlab chiqargan — bu jahon miqyosida eng yuqori ko‘rsatkichlardan biri sanaladi.

“Sungrow — qayta tiklanadigan energetika texnologiyalari sohasida jahon yetakchilaridan biri. Biz 28 yildan buyon barqaror energetika yechimlarini ishlab chiqmoqdamiz. Faoliyatimiz beshta yo‘nalishni qamrab oladi: quyosh energetikasi (PV), energiya saqlash tizimlari (ESS), shamol energetikasi, vodorod texnologiyalari va elektromobillar. Hozirda biz dunyo bo‘yicha 520 dan ziyod filiallarimiz orqali mijozlarga xizmat ko‘rsatyapmiz”, — deydi Sungrow’ning Markaziy Osiyodagi rahbari Sofiya Chjan.

Kompaniya tijorat, sanoat, turar joy va kommunal ehtiyojlar uchun mo‘ljallangan invertorlarni taklif qiladi. Sungrow uskunalarining asosiy afzalliklaridan biri — yuqori samaradorlik va murakkab sharoitlarda ham barqaror ishlash qobiliyati, masalan, kam yorug‘lik yoki yorug‘lik cheklangan joylarda ham.

“Bizning mahsulotlar moslashuvchan konfiguratsiyalarga ega. Bizda ikki xil akkumulyator bor — standart va uzoq muddatli. Uskunalarni mamlakatning istalgan hududida qulay foydalanish mumkin. Bizning energiya saqlash tizimimiz 1 soatdan 8 soatgacha ishlaydi va turli xil PCS qurilmalari bilan mos keladi. Biz mijozlarga saqlash shkaflarini yig‘ishda yordam beramiz. Uskunalar barqaror ishlaydi va kam xizmat ko‘rsatishni talab qiladi — har uch oyda boshqaruv bloklarini almashtirish yoki dasturiy ta’minotni qayta yozish talab etilmaydi. Agar tizimning biror qismi ishdan chiqsa, biz DIO Stack texnologiyasi yordamida uni almashtiramiz”, — deb tushuntiradi Sungrow’ning energiya saqlash tizimlari bo‘yicha mutaxassisi Luna Vu.

Sungrow allaqachon O‘zbekiston bozoriga kirgan va mahalliy mijozlarga yuqori samarali quyosh energetika yechimlarini taklif qilmoqda.

“Markaziy Osiyo bozori uchun biz 1+X modulyar invertor va SG320HX-20 string invertorini taklif qilyapmiz. Ikkala qurilma ham energiyani tejamkor ishlab chiqarishga mo‘ljallangan bo‘lib, texnik xizmat ko‘rsatishni osonlashtiradi. Long string va DCMPLC texnologiyalari sarmoyaviy xarajatlarni kamaytirishga yordam beradi. Shuningdek, invertorlar chang va shamoldan himoyalangan bo‘lib, zaif elektr tarmoqlarida ham barqaror ishlaydi”, — deydi Sungrow’ning quyosh invertorlari bo‘yicha mutaxassisi Aleks Lu.

Kompaniyaning mintaqaviy xizmat menejeri Najib Xaddadning aytishicha, Sungrow Markaziy Osiyoda 2018 yildan buyon faoliyat yuritmoqda, 2024 yilda esa O‘zbekistonda umumiy quvvati 2 GVtdan ortiq bo‘lgan quyosh elektrostansiyalarini ishga tushirdi. Shuningdek, mamlakatda 150 MVt / 300 MVt·soat hajmdagi birinchi yirik energiya saqlash tizimi joriy etildi.

“Bizning kompaniya mijozlarni uskunani yetkazib berishdan tortib, uni foydalanishga topshirish (COD) jarayonigacha to‘liq qo‘llab-quvvatlaydi. Garantiya davrida va undan so‘ng ham xizmat ko‘rsatishni davom ettiramiz. O‘rnatish ishlarini malakali muhandislar amalga oshiradi”, — deya ta’kidlaydi u.

Kompaniya elektr tarmog‘iga ulangan va gibrid invertorlarni, shuningdek, energiya saqlash yechimlarini ishlab chiqaradi. Gibrid invertorlar Sungrow batareyalari bilan integratsiya qilingan bo‘lib, uy va ishlab chiqarish obektlarida tok o‘chgan holatda zaxira energiyadan foydalanish imkonini beradi.

Kompaniya shuningdek, masofadan turib monitoring qilish imkonini beruvchi onlayn platforma taklif etadi. U orqali foydalanuvchilar va texnik mutaxassislar uskunalarni boshqarishi va nosozliklarni aniqlashi mumkin.

“Maishiy invertorlar uchun biz 10 yillik kafolat va servis xizmati taqdim etamiz. Agar nosozlik yuzaga kelsa, jamoamiz diagnostika o‘tkazadi va yechim taklif qiladi. Zarur bo‘lsa, uskunani almashtiramiz”, — deydi Sungrow’ning texnik yechimlar bo‘yicha menejeri (distribyutor biznesi) Abror Usmonaliyev.

Sofiya Chjan ta’kidlashicha, kompaniyaning mintaqadagi faoliyatini kengaytirish sabablaridan biri — mintaqada quyosh resurslarining boyligi, qayta tiklanadigan energiyaga bo‘lgan talabning ortishi, energetik tizimlarni transformatsiya qilish zarurati va uglerod chiqindilarini qisqartirish maqsadidir.