Yaponiyada ham kruiz layner karantinga olindi. Undagi 10 kishida koronavirus aniqlangan

«Daymond prinsess» kruiz kemasi 20 yanvar kuni Yokogamadan chiqib, Kagosima-Hongkong-Okinava yo‘nalishidan o‘tib, dushanba kuni qaytib kelgan. Bu vaqtga kelib bir necha odam tobi qochgani haqida shikoyat qilgan va hukumat bortdagi barchani tekshirishga qaror qilgan.

Yaponiya Sog‘liqni saqlash, mehnat va farovonlik vazirligi chorshanba kuni shifokorlar 10 kishida yangi koronavirus sabab bo‘lgan pnevmoniyani aniqlashganini xabar qildi. Rasmiylarga ko‘ra, virus hongkonglik yo‘lovchi tomonidan yuqtirilgan bo‘lishi mumkin. 

Tashuvchi kompaniyaning xabar berishicha, Yaponiyaga samolyotda uchib kelgan 80 yoshli erkak 20-25 yanvar kunlari «Daymond prinsess» bortida bo‘lgan. Hongkongda undan koronavirus topilgan. 

Hukumatdagilar xabar berishicha, virus tashxisi qo‘yilgan kemadagi barcha yo‘lovchilar Kanagava prefekturasidagi kasalxonaga yotqizilgan. 

«Daymond prinsess» layneri operatori o‘z veb-saytida xabar berishicha, uch yapon, Xitoyning uch fuqarosi, ikki avstraliyalik va AQShning bir fuqarosi, shuningdek, filippinlik (ekipaj a'zosi) tasdiqlangan tashxis bilan kasalxonaga yotqizilgan. 

Yaponiyaning NHK telekanali xabariga ko‘ra, to‘rt kishining yoshi 50dan 60 yoshgacha, yana to‘rt nafari 60 yoshdan 70 yoshgacha, biri 70 yoshdan, boshqasi 80dan oshgan. Ularning hech birining ahvoli og‘ir emasligi aytilgan. 

Kruiz kompaniyasining ma'lumotlariga ko‘ra, «Daymond prinsess» bortida jami bo‘lib 2666 yo‘lovchi va ekipajning 1045 a'zosi bo‘lgan. Ularning qariyb yarmi Yaponiya fuqarolari, ammo laynerda jami 56 mamlakatdan fuqarolar bor.

«Daymond prinsess» operatori karantindagi yo‘lovchilar zarur bo‘lgan barcha narsalar - oziq-ovqat, bepul internet va telefon bilan ta'minlanishini ta'kidlamoqda.
Yo‘lovchilardan biri tvitterda laynerda bo‘layotgan voqealar fotosuratlari va videolarini joylashtirmoqda. 

I’d like to share what it’s like on board the Diamond Princess cruise. Please use this page to exchange info. #DiamondPrincess #coronavirus pic.twitter.com/wRLdy63suj

— だぁ(On board the Diamond Princess / 乗船中) (@daxa_tw) February 5, 2020

検疫は8階にいた #ダイヤモンドプリンセス pic.twitter.com/O5ka0jT5Ip

— だぁ(On board the Diamond Princess / 乗船中) (@daxa_tw) February 4, 2020

この時間になると誰も出歩いてないです。静寂です #ダイヤモンドプリンセス pic.twitter.com/tLlr2oh5pQ

— だぁ(On board the Diamond Princess / 乗船中) (@daxa_tw) February 4, 2020

Bungacha Yaponiyada 2019-nCoV koronavirus infeksiyasining 20ta holati aniqlangan edi. Ulardan 17 nafari epidemiya boshlangan Xitoyning Uxan shahrida bo‘lishganida virusni yuqtirishgan. 

5 fevral kuni ma'lumotlariga ko‘ra, Xitoyda 2019-nCoV infeksiyasining 24363 holati aniqlandi, 490 kishi vafot etdi, yana 23260 kishi ushbu virusni yuqtirganlikda gumonlanmoqda. 

30 yanvar kuni Jahon sog‘liqni saqlash tashkiloti pnevmoniyaning tarqalishini xalqaro miqyosda favqulodda holat deb tan olgandi.