Oliy sud 16 fevral voqealari bo‘yicha sobiq bojxonachilar ishini ko‘rishni boshladi

30 sentyabr kuni Oliy sud jinoyat ishlari bo‘yicha sudlov hay'ati ishni kassatsiya tartibida ko‘rishni boshladi. Bu haqda Kun.uz muxbiri xabar bermoqda.

{Yii::t(}

O'tkazib yuborish 6s

O'tkazib yuborish

Sud majlisida ishtirok etgan prokuror o‘z nutqida Toshkent viloyat prokurorining protestini qo‘llab-quvvatlashini bildirib, sobiq bojxonachilarga nisbatan chiqarilgan oqlov ajrimini bekor qilishni hamda ishni apellyatsiyada qayta ko‘rishga jo‘natishni so‘radi.

Sudlanuvchilarning himoyachisi sud majlisida so‘zga chiqib, himoyasi ostidagi shaxslarning aybsiz ekanini, prokuror protestida keltirilgan vajlar sobiq bojxonachilarni aybdor deb topish uchun asos bo‘lolmasligini qayd etdi.

Sudlanuvchilar ham so‘zga chiqib, o‘zlarining aybsiz ekanini, Toshkent viloyat sudining apellyatsiya hay'ati tomonidan 2021 yil 24 iyul kuni chiqarilgan oqlov ajrimini o‘z kuchida qoldirishni hamda protestni qanoatlantirishdan rad etishni so‘radi.

Sud hay'ati tanaffus e'lon qilib, ish bo‘yicha keyingi sud majlisi 2021 yil 7 oktyabr kuni o‘tkazilishini ma'lum qildi.

Kun.uz sud jarayonlarini yoritishda davom etadi.