Shimoliy Amerikada quyoshning to‘liq tutilishi kuzatildi

Shimoliy Amerikada quyoshning to‘liq tutilishi kuzatildi. NASA, BBC va boshqa ko‘plab agentlik va nashrlar noyob astronomik hodisaning jonli translatsiyasini olib bordi. Minglab sayyohlar va mahalliy aholi maxsus ko‘zoynaklar yordamida uni kuzatib bordi.

Quyosh tutilishi birinchi bo‘lib Meksikaning Masatlan kurortida Toshkent vaqti bilan taxminan soat 21:00 da boshlandi. Keyin tutilish Qo‘shma Shtatlar hududida, so‘ngra Kanada hududida kuzatildi.

Quyosh tutilishi davrida Oy uning yuzasini to‘liq qoplaydi va osmon 4 daqiqa davomida qorong‘i bo‘ladi. Quyoshning to‘liq tutilishi muntazam ravishda sodir bo‘ladi, lekin tez-tez emas: keyingisi faqat 2026 yilda va asosan Atlantika okeanida kuzatiladi.

Qayd qilinishicha, Quyosh tutilishi turizm uchun ajoyib voqea bo‘ldi. Tutilish kuzatiladigan hududlardagi mehmonxonalar va motellar 90 foizga band qilindi.

Quyoshning navbatdagi halqasimon tutilishi bu yil 2 oktyabr kuni Janubiy Amerikada sodir bo‘ladi. Janubiy Amerikadan tashqari uni qisman Shimoliy Amerikada va ikkala okeanda ham, ushbu qit’alarning ikkala tomonida, Tinch okeani va Atlantikada kuzatish mumkin.

Quyosh tutilishini faqat maxsus, juda quyuq qoraytirilgan ko‘zoynaklar yoki mutaxassislar tomonidan tavsiya etilgan boshqa maxsus qurilmalar orqali ko‘rish mumkin, aks holda ko‘rish qobiliyati jiddiy shikastlanadi.